ჭეშმარიტად გასაოცარი დემოკრატია

ხაბურზანიას დაბრუნებამ და ბრიფინგმა ბევრ რამეს ახადა ფარდა, რისი სილუეტიც პრინციპში ისედაც მკაფიოდ ჩანდა ფარდის მიღმა. ბიძინას დაპირება გასაოცარ დემოკრატიაზე ისე კარგად სრულდება რომ უკეთესის ნატვრაც არ შეიძლებოდა.

ბევრი კითხვა იყო გუშინ დასმული სოციალურ ქსელებში, რისი ან ვისი მხარდაჭერის იმედი აქვს უშიშროების ყოფილ მინისტრს ვალერი ხაბურზანიას? ღირსება აღდგენილი წითელი ინწელიგენცია და "კულტურის მუშაკები" ოცნების ქოლგის ქვეშაც კარგად გრძნობენ თავს. მათი სექსის მუშაკებისგან განსხვავება მხოლოდ ფასშია, დღეს კი ყველაზე კარგი გადამხდელი ბიძინაა. ასე რომ საზოგადოების ყველაზე პრორუსული, "ნასტალგიით" შეპყრობილი ფენა თავს ისედაც კარგად გრძნობს. პოლიტიკური გვამები - კუკავა და ბურჯანაძე, იმდენად გვამები არიან, რომ მათ არანაერი მხარდაჭერა არ აქვთ. რაშია მაშინ საქმე?

ყველაფერი კი ბევრად უფრო მარტივადაა. ახალი ხელისუფლების მიერ დაანონსებული "საოცარი დემოკრატია" ნამდვილად დგება. პრორუსული ოპოზიციის ნიშას დაიმკვიდრებს ხაბურზანიას პარტია. პროდასავლურს მომავალი ოპოზიცია - რესპუბლიკელები და თავისუფალი დემოკრატები. შუაში კი, დაბალანსებული პოლიტიკის გამტარებელი, და ქართული გასაოცარი დემოკრატიის სადარაჯოზე მყოფი ქართული ოცნება. ყველაფერი ზუსტად ისე, როგორც ქართულ მულტფილმ "სიზმარაშია".

იკითხავთ - კი მაგრად სადღა რჩება ნაციონალური მოძრაობის ადგილი ამ გასაოცარ დემოკრატიაში? პასუხი მარტივია - არსად. სასამართლოს საბოლოოდ დამორჩილების შემდეგ ბიძინას გეგმაშია ნაციონალების საბოლოო მოსპობა. ასევე მოსპობის გეგმის  ნაწილია კახა ბენდუქიძეზე წეწოლის მიზნით აგრუნის ავტორიზაციის გაუქმება, ასე რომ შეტევა ერთდროულად ორ ფრონტზეა ახლა - იუსტიციის საბჭოზე და უნივერსიტეტებზე.

უკვე მგონი მხოლოდ ორთოდოქს მეოცნებეებში არ იწვევს ეჭვს ის ფაქტი რომ ბიძინა ივანიშვილი მიზანმიმართულად აფუჭებს საქართველოს ურთიერთობებს დასავლეთთან, და ამას არც პარლამენტის მიერ მიღებული რეზოლუცია უშველის, არც ის საკონსტიტუციო ცვლილებები რაზეც ამდენს საუბრობენ უკანასკნელ თვეებში.

ამრიგად, საოცნებო გასაოცარი დემოკრატიის ჭეშმარტი სახე: აქეთ პრორუსული ხაბურზანია, იქეთ პროდასავლური, საბოლოოდ გამარგინალებული რესპუბლიკელები და დემოკრატები, შუასი კი ოცნება, რომელიც დიდი და ამაყი ნაბიჯებით მიგვაქანებს აღდგენილი ღირსებით სრული მარაზმისკენ. ამას კი შუშის სასახლიდან გააკონტროლებს გადამდგარი პრემიერი და აწ უკვე ერის მამა მუამარ კადაფი ბიძინა ივანიშვილი. რა თქმა უნდა ეკლესიის მამების ლოცვა-კურთხევით და სამების ამბიონის საინფორმაციო მხარდაჭერით.

Comments

Popular posts from this blog

Внизу Сванетия

До свидания